20200103 pista xeo 01

20200103 Pista xeo 02Un grupo de 24 nenos e nenas de Rois maiores de 6 anos que participan no Divernadal acudiron esta mañá ata Santiago para gozar na pista de xeo que está montada en Área Central. A cativada, acompañada de minotores e monitoras, estiveron unha hora patinando e despois repuxeron forzas cunha merenda nas instalacións do centro comercial nunha mañá moi divertida e na que todos e todas gozaron moito.

O Divernadal de Rois superou este ano con creces o nivel de asistencia de anos anteriores, ao participar 70 nenos e nenas nas actividades que organizan membros da Asociación Neboeira Cultura e Tempo Libre. Ademais da visita de hoxe á pista de xeo, a pasada semana acudiron a ver unha película de cine, e tamén estiveron preparando os traxes cos que moitos dos nenos e nenas teñen previsto acompañar este domingo aos Reis Magos na cabalgata que irá dende a igrexa de Oín ata o polideportivo dos Dices.

Cabalgata de Reis

Resaltar a importancia da natureza e o monte que hai en Rois é a temática na que se inspirou o escultor Camilo Seira para deseñar unhas espectaculares carrozas nas que os tres Magos de Oriente sorprenderán á veciñanza de Rois. Tres carrozas que percorrerán a distancia entre a igrexa de Oín (a onde chegarán ás 18.00 horas para facer a ofrenda) ata o polideportivo dos Dices, onde serán recibidos polas autoridades municipais, pronunciarán unhas verbas e falarán con todos os nenos e nenas que os acompañen na cabalgata e acudan ata o polideportivo.

Precisamente, entre as actividades dos Divernadal, nenos e nenas estiveron preparando traxes especiais, utilizando produtos naturais, para participar na comitiva real do domingo. E tamén elaboraron un vídeo invitando a toda a veciñanza a participar na calbalgata de Reis.

  • Nenos e nenas están a preparar no Divernadal os traxes cos que acompañarán á comitiva real dende a igrexa de Oín ata o polideportivo dos Dices

  • Dende o equipo de goberno animan á veciñanza a participar neste desfile, que comezará las 18.00 horas

 

20191230 Carrozas Reis Rois web

Reivindicar a natureza sublime e darlle importancia ao monte que hai en Rois son o motivo que inspirou ao artista Camilo Seira para deseñas as tres espectaculares carrozas nas que este domingo os Melchor, Gaspar e Baltasar van percorrer o traxecto que vai dende a igrexa de Oín ata o polideportivo municipal de Rois. Na Cabalgata dos Reis Magos tamén están involucrados os nenos e nenas do Divernadal, que esta semana estiveron deseñando uns traxes feitos con materias naturais cos acompañarán ás súas maxestades e sorprenderán á veciñanza que queira ver este primeiro desfile de Reis que organiza o Concello de Rois.

Camilo Seira inspirouse na natureza que temos ao noso carón para deseñar as tres espectaculares carrozas nas que os Magos de Oriente irán desfilando pola capital de Rois este domingo, a partir das seis da tarde. O recoñecido escultor galego quixo escapar do concepto de maxia e fantasía que dende Hollywood, e sobre todo Walt Disney, tenta difundir por todo o mundo.

“Quero reivindicar a natureza sublime que temos aquí. Ese outeiro máxico no que xa se facían os rituais precristiás e o carballo que aparece no Concello serán parte importante da carroza”, explica Camilo Seira. “Esa árbore vella retorcida e na que van ir sentados os tres magos”, engade o escultor padronés, que ten a paixón pola natureza e polos animais como unha sinal de identidade propia.

As carrozas que este domingo participarán na Cabalgata dos Reis Magos de Rois semellaranse a un cacho de outeiro recortado sobre un remolque. Unhas carrozas que irán acompañadas polos nenos e nenas que neste Divernadal estiveron elaborando uns traxes acordes coas obras de Camilo Seira.

Durante estas vacacións de nadal, nenos e nenas involucraron tamén as súas familias para recoller produtos naturais (plantas, herbas, follas) para “deseñar e elaborar os traxes que utilizarán o domingo para acompañar ás Súas Maxestades de Oriente”, indica o coordinador do Divernadal, Julio Esparís.

20191230 Traxes cabalgata Rois3

Para elaborar estes traxes, nenos e monitores foron falar como Camilo Seira, para ter unha idea de como ían ser as carrozas. Uns sacos deseñados e pintados polos propios nenos e nenas servirán de base, para esta vestimenta especial que están a completar estes días para sorprender a todas as persoas que o domingo acudan a ver a Cabalgata de Rois. Os propios menores publicaron hoxe un vídeo no facebok do Concello animando á veciñanza de Rois a participar na cabalgata (ver neste enlace)

O Concello de Rois engloba a Cabalgata de Reis na programación do Divernadal 2019, que facilita a conciliación familiar e laboral da veciñanza de Rois. Este ano están participando 70 nenos e nenas, duplicando a asistencia de anos anteriores. Esta actividade, que está cofinanciada pola Vicepresidencia da Xunta e o Fondo Social Europeo, compleméntase co fomento do respecto a natureza e ao medio natural, que conta co apio da Deputación da Coruña.

É precisamente este respecto á natureza e a intención de poñer en valor o medio natural o que prima na Cabalgata de Reis 2019 de Rois, tanto no deseño das carrozas como nos traxes dos paxes que os acompañarán. E tamén esta mesma liña vaise seguir nos agasallos que o Concello de Rois entregará a todos os nenos e nenas que asistan a falar con Melchor, Gaspar e Baltasar no polideportivo de Rois.

20191230 Traxes cabalgata Rois1

Programa da Cabalgata

Os Reis Magos chegarán este domingo ás 18.00 horas á igrexa de Oín, onde farán a tradicional ofrenda. Despois comezará a cabalgata e desfile das Súas Maxestades e a comitiva real nas espectaculares carrozas deseñadas por Camilo Seira ata o polideportivo dos Dices, pasando por diante do concello.
Un desfile no que dende o goberno municipal animan a participar e pequenos e maiores. Os Magos irán repartindo doces durante todo o percorrido.

No pavillón dos Dices as autoridades municipais recibirán aos Reis Magos, que farán un pequeno discurso e entregarán os premios aos gañadores do concurso de tarxetas de Nadal.

Despois recibirán e falarán con todos os nenos e nenas que queiran facerlles as últimas peticións. Melchor, Gaspar e Baltasar entregaránlles un pequeno agasallo a cada un deles. Agasallos que serán acordes coa idea de respecto ao medio natural.

20191227 revista webO Concello de Rois vén de distribuír entre a veciñanza un novo número da revista informativa municipal 'Debullar', que repasa as actividades e iniciativas desenvolvidas durante o ano 2019.

As corenta páxinas deste terceiro número da publicación recollen informacións sobre o destacado papel dos grupos de teatro afeccionado do municipio nas mostras organizadas polo Concello, reportaxes dos obradoidos de emprego, unha crónica do Rois NaturFets ou un seguimento dos intercambios culturais e irmandamentos europeos, entre moitos outros temas.

'Debullar' distribuiuse a todos os domicilios de Rois acompañada pola felicitación que resultou gañadora no concurso de tarxetas de Nadal, realizada por Lidia Núñez Forján, de 2ª de Primeria do CEIP O Pumar de Urdilde. A revista tamén está dispoñible en formato dixital.

  • A viaxe a Vigo farase de noite, despois de cear no Hotel Escala e o prezo polo paquete completo é de 30 euros

  • A saída á neve será ás 07.00 horas de Rois e os asistentes maiores de sete anos deberán aboar 10 euros 

 

20191227 Excursion Vigo Neve

 

O Concello de Rois está a organizar dúas excursións para que a veciñanza poida achegarse no mes de xaneiro a ver as luces de nadal de Vigo e, no de febreiro, poida gozar dunha xornada na neve en Cabeza de Manzaneda. Para participar é necesario ingresar o prezo na conta bancaria do Concello.

A excursión a Vigo está programada para o venres 10 de xaneiro pola noite. Os participantes cearán no Hotel Scala de Padrón ás 22.30 horas. Sobre as 00.30 horas o autobús sairá cara Vigo, donde as persoas asistentes pasarán toda a noite pola cidade olívica, gozando dun dos atractivos do nadal: as luces led nas que o concello de Vigo investiu un millón de euros. Ás seis das madrugada, o autobús emprenderá viaxe para regresar a Rois.

A esta viaxe só poderán asistir persoas maiores de idade, que deberán ingresar 30 euros para aboar o prezo da cea, o desprazamento e o seguro de viaxe. As prazas son limitadas, e terán prioridade as empadroadas en Rois.

As persoas interesadas deberán reservar praza antes do 7 de xaneiro chamando ao teléfono do concello (981 804 109) e, unha vez confirmada haberá que ingresar os 30 euros na conta que ten o Concello de Rois en Abanca número ES64 2080 0328 9631 1000 0060.

A segunda viaxe será o 8 de febreiro ata Cabeza de Manzaneda, para que os participantes poida gozar dun día de neve. O autobús sairá ás 07.00 de Rois e ás 07.30 de Urdilde, regresando ás 17.30 horas con parada en Pobra de Trives. O prezo é de 7 euros para os menores de 7 anos, e de 10 euros para o resto.

Os interesados deberán inscribirse no teléfono do concello antes do 4 de febreiro e facer o ingreso na conta do Concello de Abanca indicado. As prazas reservaranse por orde de inscrición.

En ambos os dous casos, despois de facer o ingreso na conta bancaria, hai que entregar o xustificante do ingreso nas oficinas municipais.

 

Unha adaptación da mítica canción dos Beatles ‘Obladi Oblada’, realizada polas profesoras Anna Melinkhova e Rut García, e o fío condutor do vídeo co que o Concello de Rois felicita o Nadal 2019 á veciñanza e visitantes.

O vídeo gravouse durante o concerto de Nadal que ofreceu o pasado 15 de decembro o alumnado e profesorado da Escola Municipal de Música (ESMU) de Rois no auditorio municipal. O coro da ESMU interpretou ao final esta adaptación de ‘Obladi Oblada’ na que se fai mención ás vacacións de Nadal e a visita do Apalpador.

Con este vídeo dun minuto de duración, o Concello de Rois deséxalles á veciñanza e visitantes un Bo Nadal e próspero ano 2020.