O Concello de Rois vai a proceder a elaborar un novo rueiro e e a nova numeración da parroquia de Costa, e expón o expediente ao público durante 15 días hábiles. As persoas ou entidades poden formular as suxestións ou as alegacións que estimen convenientes. 

O expediente poderase consultar nas dependencias municipais no Concello de Rois de 8.30 a 14.00 horas ou na oficina municipal de Urdilde os martes e xoves de 9.00 a 11.00.

O anuncio da alcaldía coa exposición pública pódese consultar no documento adxunto

O Pleno da Corporación Municipal, en sesión ordinaria que tivo lugar o día 4 de novembro de 2019, adoptou o acordo de aprobación inicial do expediente para a desafectación do dominio público local dun terreo que aparece como camiño municipal con referencia catastral 15075B504090670000GJ, situado no lugar de Liñares (Costa), coa forma límites e extensión que derivan da súa descrición no informe técnico.
Sométese o expediente a información pública durante o prazo dun mes, a contar dende o día seguinte ao da publicación do presente anuncio no Boletín Oficial da Provincia ( BOP).
O anuncio saiu publicado hoxe no BOP e pódese consultar no documento adxunto.

20191015 web Marcadora 2

O Grupo de Emerxencias Supramunicipal (GES) de Padrón, que atende toda a comarca do Sar, leva retirados no concello de Rois 1.000 niños de velutina, e outros 500 no de Dodro. Co obxectivo de colaborar co traballo da agrupación e facilitar unha mellor e máis rápida atención da veciñanza para retirar as perigosas colmeas da avespa asiática, o alcalde de Rois, Ramón Tojo, entregoulle esta mañá aos responsables do GES unha marcadora para eliminar as colmeas desta especie invasora.

Esta marcadora, similar a unha escopeta que inxecta balas de veleno nos niños, permitiralles aos membros do GES neutralizar aqueles niños que non poidan atacar coa pértega de 12 metros da que xa dispón a agrupación. Ademais, facilitará unha resposta máis rápida e reducir os tempos de intervención tamén naqueles casos nos que a colmea se atope incluso dentro do alcance da pértega.  Deste xeito, asegura o responsable do GES, Domingo Sánchez, “reduciremos a lista de agarda e tamén o custe económico medio de eliminación de cada niño, xa que poderemos actuar más rápido e tamén durante o día”.

Ramón Tojo destacaba esta mañá que, esta marcadora, na que o concello de Rois investiu 1.800 euros, “permitirá unha maior erradicación da velutina non só no municipio de Rois, senón tamén no resto da comarca do Sar, facilitándolle o traballo aos membros do Grupo de Emerxencias”.

20191015 web GES padron 2

No acto de entrega estiveron presentes, ademais do alcalde de Rois, o concelleiro responsable de Emerxencias de Padrón, Ángel Rodríguez; o responsable do GES Domingo Sánchez, e varios profesionais do grupo.

A presenza de velutinas, como ocorre no resto de Galicia, é unha plaga no municipio de Rois e no resto da comarca do Sar. Nos últimos tres anos, o GES de Padrón retirou aproximadamente un milleiro de colmeas de avespa asiática só no municipio de Rois, entre os avisos que recibiron de particulares e do 012 (o teléfono de información da Xunta no que se recollen estes avisos). Ademais, en Dodro, o grupo retirou tamén outros 500 niños.

Retirar un niño de velutina ten un coste medio de 15 euros só en insecticida, indican dende o GES de Padrón, sen ter en conta os gastos en medios materiais e persoais (polo desprazamento ata a localización da colmea e o tempo invertido). Estes costes varían segundo diversos factores, como son o tamaño no niño, a accesibilidade ao mesmo e o medio utilizado para eliminalo (pértega, insecticida, elevadora, marcadora, etc).

Preto de 600 avisos en tres anos dende o 012

Dende agosto deste ano o GES de Padrón só recibe avisos de niños de velutina que procedan do 012, o teléfono de información da Xunta de Galicia. Nos últimos tres anos, tamén atendía as chamadas que lle chegaban directamente da veciñanza ou dos concellos.

Neste período o GES recibiu 582 avisos por niños de velutina procedentes do 012. “A esa cifra habería que engadirlle case outras tantas chamadas que facían directamente os veciños”, sinala o responsable da agrupación.

Dos 582 avisos procedentes do 012 que recibíu o GES, 76 procedían das parroquias de Ribasar e Urdilde . A distribución por parroquias deste avisos é a seguinte: Augasantas (55), Buxán (54), Costa (19), Ermedelo (44), Herbogo (35), Leroño (30), Oín (31), Ribasar (76), Rois (62), Seira (44), Sorribas (56) e Urdilde (76).

360 intervencións nun trimestre

No terceiro trimestre deste ano (de xullo a setembro), o GES de Padrón realizou 360 intervencións na comarca do Sar, das que 63 efectuaronnas en Rois. A metade delas, 32 en total, tiveron relación cos niños de velutina.

Por tipoloxía, o GES intervíu en 19 incendios e 70 accidentes de tráfico e 18 rescates. Outras 253 actuacións inclúense dentro do epígrafe outras intervencións. Delas, 109 foron contra os niños de velutinas e 33 pola presenza de animais soltos ou mortos. O GES tamén realizou neste período 34 operativos e 27 accións preventivas.

20191031 Caldeira Biomasa Placa Inega PRX 2019 webO Concello de Rois está a executar as obras para instalar unha caldeira de biomasa para mellorar o sistema de calefacción do centro de saúde e da propia casa consistorial contribuíndo ademais ao aforo enerxética ao optar por unha sistema enerxético máis limpo.

As obras están subvencionadas polo Instituto Enerxético de Galicia (Inega), dentro dos proxectos de enerxías renovables térmicas, e tamén pola Unión Europea a través do Programa Operativo FEDER Galicia 2014-2020.

Coa instalación desta caldeira de biomasa conseguirase unha mellor eficiencia enerxética para conseguir unha economía máis limpa e sostible.

A previsión é que a mediados do mes de novembro a caldeira poida entrar xa en funcionamento.

A conselleira de Infraestruturas e Mobilidade, Ethel Vázquez, mantivo unha xuntanza co alcalde de Rois, Ramón Tojo Lens, na que lle trasladou o compromiso da Xunta coa mellora da seguridade viaria na estrada de titularidade autonómica AC-301, na que se instalarán semáforos limitadores de velocidade no tramo que percorre Concello de Rois.

20190905 Ramon tojo Ethel VazquezVázquez Mourelle explicoulle ao rexedor que o departamento que dirixe vai atender a solicitude municipal de incrementar as medidas para minorar a velocidade do tráfico na Intersección da AC-301 con estrada da Deputación DP-3302, onde a Axencia Galega de Infraestruturas reforzou en maio a sinalización vertical de límites de velocidade de 50 Km/h, e a identificación de curva perigosa e intersección.

As actuación prevista nesta intersección con mala visibilidade, e que está a uns 100 metros da Casa do Concello, busca calmar o tráfico dos vehículos pesados e lixeiros que seguen a circular a moita velocidade. Para iso o departamento de infraestruturas prevé a instalación neste tramo da AC-301 de dous semáforos en ambar, antes da intersección e en cada dirección, que se porán en vermello se se supera a velocidade permitida.

Na reunión, a conselleira informou que Xunta contratará o proxecto para deseñar unha senda peonil nesta estrada AC-301, para dar continuidade ás beirarrúas existente desde o núcleo de Rois ata a rotonda das instalacións de Cortizo, e na que o Concello executará actuacións de mellora na citada glorieta. Este novo itinerario permita mellorar a mobilidade de veciños, ao tempo que facilita aos traballadores da citada empresa o desprazamento a pé ata as instalacións.

Ademais abordaron as actuacións para a mellora do saneamento no núcleo urbano de Urdilde, cuxo proxecto de redacción foi adxudicado o pasado mes de xullo e que ten un prazo de execución de 6 meses. 

Estes traballos, impulsados a través de Augas de Galicia, buscan analiza as alternativas e redactar o proxecto coas actuacións necesarias para executar unha estación depuradora nunha zona máis próxima, dada a distancia existente entre a EDAR actual e o punto de vertedura.