• A veciñanza poderá consultar o expediente ata o día 26 na oficina de Urdilde os martes e xoves de 09.00 a 11.00 horas, ou nas dependencias municipais de 08.30 a 14.00 horas

  • Rúa Compostela, Carlos Villaverde ou Campanario son algúns dos nomes propostos

 Rueiro Urdilde web 2

O Concello de Rois quere ordenar a numeración das vivendas na parroquia de Urdilde e propón tamén unha nova denominación para a maioría das rúas do núcleo da Calle, para facilitar a localización e simplificar a denominación nunha das zonas de máis crecemento do municipio. Os veciños e todas as persoas interesadas poderán consultar o expediente ata o día 26 de agosto nas oficinas municipais.

Así, para o núcleo da Calle (popularmente coñecido como Urdilde), proponse o nome de rúa Compostela para o tramo urbano da estrada autonómica que comunica Santiago con Noia (AC-543). Rúa Carlos Villaverde e a proposta para denominar o vial que pasa polo centro de saúde e que logo comunica esta localidade coa capital municipio, rúa que leva o nome do que foi mestre e practicante en Urdilde durante moitos anos. Un traballo en pro da comunidade que xa se lle ten recoñecido cunha homenaxe e un busto no centro escolar.

Outros dos nomes propostos son Camiño Real, rúa Campanario ou estrada de Negreira son outros dos nomes propostos para o rueiro da localidade da Calle, a segunda máis poboada do Concello de Rois.

Ademais, tamén se reordena a numeración de todas as vivendas da parroquia de Urdilde, para simplificar e ordenar a localización das mesmas, facilitando, entre outras cousas, o reparto de correspondencia e comunicacións cons veciños.

As persoas, empresas ou entidades interesadas poderán consultar o expediente destas novas denominación ata o día 26 de agosto tanto nas dependencias municipais (de 08.30 a 14.00 horas) de luns a venres, como na oficina municipal de Urdilde, os martes e xoves de 09.00 a 11.00 horas.

20190703 Revision Catastral Rois

Debido á gran cantidade de persoas que se están achegando ao concello para trámites relacionados co catastro, este mes de xullo, D.Arturo Calvo Tarrío ou persoal do seu equipo van a estar no concello os seguintes días para atender á veciñanza que o precise.

  • Venres 5 de xullo de 10.00 a 14.00 horas.
  • Luns 8 de xullo de 10.00 a 14.00 horas.

Se fora preciso, apliaríase o servizo durante máis días.