20200528 Diververan2020

O Concello de Rois fará este ano unha modificación para desenvolver o programa Diververán 2020 para facilitar a conciliación familiar durante os meses de xullo e agosto. Para cumprir coa normativa de seguridade derivada da covid-19, as actividades este ano ofertaranse simultaneamente nos locais sociais, veciñais e equipamentos municipais existentes nas diferentes parroquias do municipio.

O Diververán 2020 está dirixido a nenas e nenos nados entre os anos 2004 e 2017 (que teñan entre 3 e 16 anos), que deberan inscribirse na parroquia na que viven. Para participar no programa terá preferencia a rapazada empadroada en Rois. Establecerase un número mínimo e máximo de participantes para poder desenvolver cada unha das actividades.

Establécense catro quendas, unha por cada quincena dos meses de xullo e agosto. Haberá un servizo de amencer (de 07.30 a 10.00 horas), no que os asistentes poderán almorzar e participar en xogos e actividades de reforzo educativo. As actividades propias do Diververán desenvolveranse de 10.00 a 14.00 horas.

O prazo de inscrición para o Diververán 2020 de Rois remata o vindeiro 10 de xuño. Os interesados deberán enviar cubertos os formularios de inscrición por correo electrónico ao enderezo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

A listaxe provisional de admitidos farase pública o 11 de xuño na web e no taboleiro de anuncios do Concello de Rois. As taxas deberán aboarse antes do 18 de xuño, e o dia 19 publicarase a listaxe definitiva de admitidos.

O Concello estableceu para este ano unha taxa de 50 euros por quenda (quince días), máis outros 5 euros polo servizo de amencer (1 €/día no caso de almorzos soltos). A matrícula por un mes completo sería de 90 euros, e tamén se establecen descontos do 25% da cota para o segundo irmán ou irmá, familias numerosas ou monoparentais, e para os menores con discapacidade recoñecida.

Debido a situación actual, todas as actuacións e procedementos vinculados ao Diververán estarán condicionadas á evolución da pandemia provocada polo coronavirus.

Ademais do enderezo electrónico Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., as persoas interesadas poden obter máis información no teléfono 981 816 061, de luns a venres en horario de 12.00 a 14.00 e de 18.00 a 20.00 horas.

O bando coa información e os formularios de inscrición pódense descargar nos documentos adxuntos.

  • As obras deberán ser inéditas e enviarse por correo electrónico ao enderezo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

  • Os maiores de 11 anos deberán escribilos en ordenador e os menores poderán presentar unha foto cos seus traballos.

CertameLiterarioXuño01

O Concello de Rois volve reactivar o Certame artístico e literario de relato breve e poesía que se suspendera polo decreto do estado de alarma de 14 de marzo. A pandemia da COVID-19 implicou tamén algunha modificación no procedemento para participar neste certame. Ata o 15 de xuño, todas as persoas interesadas en concursar deberán remitir por correo electrónico, ao enderezo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., os seus traballos. Os maiores de 11 anos deberán mandar as súas obras escritas a ordenador, mentres que para os menores desa idade permítese que envíen unha fotografía do seus traballos se os fan a man.

No Certame artístico e literario de relato breve e poesía poden participar todas as persoas que o desexen, sen límite de idade, establecéndose diferentes categorías: ata 6 anos, 7 e 8 anos, de 9 a 11, de 12 a 14, de 15 a 17 e maiores de 18 anos. 

Os traballos deberán incorporar algún elemento característico do concello de Rois, ademais de estar escritos en galego, ser orixinais e inéditos e ter un máximo de dez folios no caso de narrativa e de entre 10 e 60 versos os poemas. As persoas que non manexen a lectoescritura e os máis pequenos, na categoría de ata seis anos, poden presentar un debuxo. 

O prazo de entrega de orixinais remata o 15 de xuño e deberán enviarse por correo electrónico a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., remitindo dous arquivos. Nun figurará o traballo que se presenta a concurso (en formato word, pdf, ou jpg para os máis pequenos) e, no outro arquivo, a ficha dos datos que figuran na cláusula sexta (nome e apelidos, enderezo, data de nacemento, teléfono de contacto e título do traballo, así como o nivel educativo e o centro no caso de que o participante estea escolarizado). 

A entrega de premios ás dúas mellores obras de cada categoría celebrarase unha vez finalice o estado de alarma e así o permitan as autoridades. Na categoría de 15-17 anos, os premios serán en metálico, cun importe de 60 euros para os primeiros e 30 euros para os segundos. Na categoría de maiores de 18 anos, os premios, tamén en metálico, serán de 100 euros para os primeiros e 50 euros para os segundos. No resto das categorías, os premios consistirán nun lote de libros. Todas as persoas participantes recibirán un diploma acreditativo.

As bases de cada un destes certames poden consultarse nos documentos anexos a esta nova.

  • O Concello establece o protocolo recomendado polo Ministerio de Cultura 

  • Os interesados deberán pedir cita previa, só accederá unha persoa por quenda e os libros devoltos permanecerán 14 días en corentena

20200514 Biblioteca Rois web 01

20200514 protocolo reapertura biblioteca 01O Concello de Rois abrirá o vindeiro luns a biblioteca municipal, situada no edificio multiúsos, seguindo o protocolo recomendado polo Ministerio de Cultura. Nesta fase 1 da desescalada só estará dispoñible o servizo de préstamo e devolución de libros, que deberá facerse con cita previa.

As persoas interesadas deberán consultar o catálogo virtual dos fondos bibliotecarios no enlace https://catalogo-rbgalicia.xunta.gal. Unha vez elixida a obra que queren ler, poden chamar a biblioteca (981 816 061) para pedir cita e ir recoller ó libro ao edificio multiúsos.

Para acceder ao edificio multúsos só se permitirá unha persoa por quenda (os menores de 14 anos deberán ir acompañados por un adulto) e respectando sempre a distancia de seguridade e as medidas de hixiene recomendadas polas autoridades sanitarias.

Os libros prestados estarán en corentena 14 días unha vez devoltos, para evitar posibles contaxios a outros persoas usuarias. Durante esta fase, o horario de atención ao público da biblioteca será de 12.00 a 14.00 e de 18.00 a 20.00 horas de luns a venres. Neste horario serán cando haxa que recoller os libros. Para facilitar a devolución, e no mesmo horario de apertura, o concello habilitará unha caixa de correo na que se poden deixar os libros.

  • As solicitudes deben presentarse de xeito preferente por vía telemática

  • A escola infantil de Rois facilita a entrega presencial da documentación con cita previa

 20200515 matricula GaliñaAzul

As familias con nenos e nenas de 0 a 3 anos xa poden solicitar dende mañá praza na escola infantil A Galiña Azul de Rois. O prazo estará aberto ata o vindeiro 29 de maio e serve tanto para solicitar nova praza como para renovar a existente.

As solicitudes e a resolución do procedemento podense descargar na páxina web do Consorcio Galego de Igualdade e Benestar, no seguinte enlace (preme aquí)

As solicitudes tanto de novo ingreso como de renovación coa documentación requerida presentarase preferiblemente por vía electrónica a través do formulario normalizado dispoñible na sede electrónica da Xunta de Galicia (preme aquí), empregado calquera dos mecanismos admitidos por sede electrónica (incluída a chave 365)

Opcionalmente tamén se poderán entregar as solicitudes presencialmente  en calquera dos lugares e rexistros establecidos na normativa reguladora do procedemento administrativo común.

Na propia escola A Galiña Azul de Rois tamén se poden entregar as solicitudes pero sempre con cita previa a través do número de teléfono da escola 981 804 488. 

Aquelas familias que teñan dúbidas co procedemento poden poñerse en contacto coa escola infantil A Galiña Azul de Rois ven a través do teléfono (981 804 488) ou mandando un correo electrónico ao enderezo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

 

Rois celebra no mes de maio as festas patronais do Santo Isidro. Este ano 2020, por mor da pandemia da COVID-19, suspendéronse todas as actividades. Pero non por iso a veciñanza deixa de estar activa. Dende o Concello púxose en marcha una nova actividade, 'Rois cociña na casa' coa finalidade de dar a coñecer a iniciativa culinaria da veciñanza.

Delia, socia da Asociación de Mulleres Rurais de Urdilde, é a primeira en participar nesta iniciativa, ensinanos a facer un exquisito biscoito a través dun vídeo que se pode ver nesta nova e tamén nas redes sociais do Concello.

Persoas que forman parte de asociacións municipais vannos ensinar deliciosas receitas de todo tipo para que fagamos nas nosas casas.  Agradecer o traballo a todas elas, coas que iremos contactando ao longo dos vindeiros días e semanas de confinamento.

Todas as persoas que queiran participar, poden gravar un vídeo durante todo o proceso, e amosando o prato ao final. O vídeo pódese gravar  cun teléfono (poñelo preferentemente en horizontal) e despois envialo ao enderezo electrónico Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.